Weblog
Thursday, 18 June 2009
-
我的教會．我的籃球隊
相熟的朋友都會知道我有返教會打波，原來唔覺唔覺已經兩年幾。
由當初好抗拒教會變到而家返教會係習慣，基本上星期六係香港既話我都會返教會。
我返既教會係長沙灣金巴崙長老會（九龍堂）。參加既係青少年崇拜，你可以唔認同我係一個青少年，不過我真係返緊青少年崇拜。
你叫我形容我既教會，我會覺得幾搞笑，因為每次星期六既青少年崇拜都係好少人，好似一間蚊型教會。如果當日有１５人出席我已經覺得好多人，我記得試過得５、６個人返，冷清到不得了。而且所謂既基督徒又會係人地講道果陣係下面傾計，細聲講大聲笑，台有台上講，台下有台下訓覺，ｂｂ仔走埋黎就唔理台上面既人講野，即使我都會咁，係教會入面已經冇左尊重兩個字，咁大個人，唔通仲要講者係台上叫大家安靜？
所謂既”聽道”變得唔重要，『尊重』？黎左咪好比面囉！仲想我點？
見到教友黎下唔黎下，鐘意就黎，得閒就黎，有人約就唔黎，反正教會既大門都係為我而打開，幾時返又有咩所謂？唱下歌，祈下禱，開下組，完成一個基督徒星期六既工作就收工。
呢個情況，同我打緊既教會籃球隊情況一模一樣。
逢星期六有一個室內場既大門係長開，又有個專業教練係度，我今日約左人唱ｋ咪唔去，見到咪黎囉，訓醒咪到囉。有時候叫下朋友黎打波，一黎就話：嘩，呢個場冇冷氣既！又會當左呢度係無掩雞籠咁自出自入，黎下唔黎下，反正都唔會有人話我。
我發覺，大家都好似唔識珍惜兩個字，有一個免費既室內場，又嫌焗冇冷氣；有一個免費既教練，又嫌練波太刻苦。事實上，世界係冇免費既室內場同教練，教會一直都出緊錢去比場錢同教練費。無怨既付出有咩回報呢？就係次次都得小貓三四隻。
不穩定既出席率成為我地球隊最頭痛既問題，耐唔耐就會提一提，情況可能改善左一兩次練習，之後都係回復一盤散沙。曾經一其中位中流砥框球員傾過，佢話我講既情況幾年前都係咁，佢而家已經好心淡，因為佢本身球技出眾，亦有其他球隊招攬，所以佢撞岩訓練既日子，佢都會選擇去其他球隊比賽先。教會既籃球訓練已經唔係佢既第一選擇，良禽擇木而棲，我都唔知點先可以搞好自己既球隊，諗起都心淡。
不如同教會提議一下以後改訂冷氣場，教練變成一個刷鞋仔，然後搵大胸模特兒做啦啦隊，每一次黎都唔駛帶籃球，然後每次打完波，教練同球員都要向參加者下跪，喊住口咁求你下次再黎。我覺得呢個方案唔錯，但係呢個環境之下可以培養咩球員出黎呢？大家心照。
我歡迎大家介紹朋友黎我地球隊一齊練波，不過叫佢睇我呢篇發勞騷先再決定黎唔黎。多謝各位。
Tuesday, 02 June 2009
-
六四未忘 維園見
Tuesday, 26 May 2009
-
以前很喜歡寫作，文章有人留意，開始怕寫不好，愈怕愈不寫，寫文章變成苦差，走火入魔，卻把靈感乾涸作藉口，使這裡無人打理像一塊荒園，雜草叢生。回看舊作，少年不識愁，文章嬌柔造作，有感毛骨悚然。今天需要重新振作，撥亂反正，把一段遺忘的理想重新發芽。
泰國扎記
body massage
工作關係，需要到泰國出差，同行伙伴是位五十來歲的男人。下飛機後，一輛駛向酒店的七人車上，他問我：『今晚咁熱，駛唔駛同你去沖涼？』
『沖咩涼？陣間酒店咪有得沖。』我心知不妙。
『去揼骨丫。』街外的霓虹燈把伙伴的面照得通紅。
我開始明白他的意途，故意說東指西答：『上次咪去過，都咁夜啦，算啦。』
伙伴的語調變得支支吾吾，線線忽左忽右，時而向窗，時而向我說：『唔係果啲呀，唔．．．去body massage呀。』
『唔去啦，你地去啦，我係酒店等你得啦。』我笑著回答，車廂內無人說話，餘下收音機播放『cup爽cup爽卡』不知所云的泰語在我們之間穿插。我望著馬路上的車龍，看著霓虹燈倒退、遠去直到消失。
回到酒店，晚飯後，各自歸巢。我打開電視，正轉播nba季後賽，與陌生女人的波相比，還是可以打的波比較吸引我。
藏族姑娘
翌日十時，我們到了辦公地點，一位年約二十八九歲的中國藉女子接見我們，她樣子娟好，像影星楊怡，而且身材高挑，衣著得體，面對如此佳人實在感到心花怒放。她先以一口流利的英語向我們問好，再作自我介紹。寒暄一番後，她用泰語指揮下屬為我們準備茶水，再開始會議。會議開始時，她突然用國語問我們是否中國人，然後笑著說我們可以用母語來溝通。經過午膳後，我們繼續會議，直到下午三時結束。
原來她是一位住中國東北香格里拉的藏族姑娘，從小離家到昆明念書直到大學，她知道在中國要出頭必要學好外語，所以在大學主攻英語，畢業後到過西藏、尼泊爾、印度體驗生活，良好的外語使她到國外暢行無阻，機緣之下，她當了中國佛教團體的英語翻譯到泰國交流，卓越的工作表現讓她現職的公司的老闆十分欣賞，聘請她來泰國工作。
閒談之間，發現她到泰國工作僅有一年，而且她還比我小一歲，生命卻比我豐盛與精彩。你可以說人生各有際遇，可以選擇唸書，可以選擇作下三流勾當，所有路都是自己選擇的。
不應該埋怨命運，人生一直都掌握在自己的手中。
Tuesday, 05 May 2009
-
是日晚餐
粟米魚蝦餅
沙拉牛柳粒
蕃茄蛋
Sunday, 03 May 2009
-
是日午餐
糖醋排骨 椰汁芋頭雞球
是日晚餐
三色蒸水蛋 魚香茄子
spur21duncan
-
- Name: Treeman
- Birthday: 11/13/1985
- Gender: Male
- Member Since: 1/15/2005
Connect
About Me
-
when you dont want to say anything , juz give a hug.
My Subscriptions
![Visit [[...*Lianne*...]*](http://p3.xanga.com/34/aa/t/34aa7adc63eda359ec68966e876d53966230078.jpg)
Pulse
spur21duncan has no pulse!...
Chatboard (5)